[Repost] Bob Ong o Tang Ang: Alin ang Pinoy?

Malamang sasabihin ninyo na maka-Bob Ong ako. Eh ano ngayon? Pati ba istilo niya ay kailangan kong gayahin? Nabasa ko ang kanyang mga aklat. Nagustuhan ko ito. Pero hindi ibig sabihing nagustuhan ko ito ay sumasang-ayon ako sa lahat ng nakasulat doon. Kung anuman ang relasyon ng artikulong ito sa kanya, wapakels.

Kumakalat sa isang email mula raw sa isang ‘middle-class Pinoy’ – “Wala ako comment sa mga mahihirap, di naman kasi sila maingay na kusa e, may bayad ang ingay nila. Saka wala rin naman sila email.” Talaga? Kaya pala. Dahil nakakapagamit ako ng e-mail, ibig sabihin ay kabilang ako sa sinasabi niyang estado niya sa buhay.

Para mag-imbistiga, nagpunta ako sa ilang Internet Café, kahit sa mall pa yan o sa may subdivision sa amin (O, baka middle-class din ako kasi sa subdivision ako nakatira. Ganun?!). Pagpasok ko, maraming tao – may matanda, bata, naka-tsinelas, nakasapatos, naka-paa, naka-sando, naka-polo, at kung anu-ano pa. Karamihan nakabukas ang Friendster account. Di ba bago ka makapag-rehistro dun, kailangan mo ng e-mail account para dun ipapadala yung Verification Code? Karamihan ng tao sa mga internet café, mga mahihirap. Mga walang trabaho. Saan nga naman kasi nila gugugulin ang kanilang oras sa buong maghapon? Kung anuman ang relasyon ng Friendster sa nais kong maging punto, bahala na kayong mag-isip.

Bakit nga ba hindi umuunlad ang Pilipinas? Kwento ng isa kong kamag-aral na nung minsa’y sumakay siya ng jeep at iniabot ang bayad niyang PhP13.00 (mula Tenement hanggang Alabang), humingi pa ang drayber ng dagdag na dos. Siyempre, todo tanggi sa pagdagdag ng kanyang bayad ang aking kamag-aral na itatago natin sa pangalang Ace (hindi tunay na pangalan?). Nasa kainitan sila ng diskusyon nang magsalita ang isang not-so-young na girl sa kanyang high-toned voice: “Excuse me, do you want me to fay it for you?! Kaya hindi umuunlad ang Pilipinas dahil sa mga taong tulad mo!”

May point yung Ale no?! Ale vs. Ace. Wow!!! Kaya pala hindi umuunlad ang ating bayan. Kasi, may mga estudyanteng pilit na nagsusumikap para makapagtapos ng kanilang pag-aaral. Kaya pala hindi umuunlad ang Pilipinas kasi kulang ang kinikita ng mga drayber na nagpapasada buong araw. How nice. Samakatuwid, kung may sampung mag-aaral (approximately) ang sasakay sa isang jeep, madadagdagan ang kikitain ni manong drayber ng beinte pesos. At kung si manong drayber ay papasada ng sampung beses kada isang araw, ibig sabihin nun ay aabot ng dalawang-daang piso ang kanyang dagdag na kita! Wow, what an incredible offer. But wait, there’s more (brought to you in part by Home TV Shopping)!!! Ayon sa isang study, mayroong mahigit-kumulang sampung milyong jeep sa Metro Manila. Kung hindi ka naniniwala, p*t@ng!n@ k@! Wag mo nang ituloy ang pagbabasa nito. Wala ka palang tiwala sa akin eh! Balik tayo sa main course ng ating topic. So kung totoo nga (maski ako hindi naniniwala sa nakasulat diyan, eh ano ngayon!?) ang impormasyong iyon, magkakaroon ng dalawang bilyong dagdag na kita ang lahat ng mga drayber ng jeep sa buong Metro Manila!

At kung pagsasama-samahin nila ang kanilang kinikita araw-araw, yayaman ang Pilipinas! Yesss!!! Hooh! Party! Sana totoo di ba?

Paano pala kapag sabihin ni manong drayber (what if bigyan din natin siya ng pangalan para naman hindi na maging redundant ang manong… nevermind.) na walang estu-estudyante dahil parehas lang naman silang naghihirap at nagsusumikap sa buhay? Tama ba yun?! Sino ba ang nagtakda ng ganung panuntunan? Mga mambabastos, uhm, mambabatas pala. Yeah, right. Mambabatas. Kung ganun, ang diskwento bang nakukuha ng mga estudyante sa pamasahe ay legal? Oo. Legal. Sino ngayon ang nasa tamang lugar? Ang estudyante o ang mayamang (siguro lang ha, kasi she wants to pay for it) ale?

Hindi nga ba umuunlad ang Pilipinas kasi may estudyante? O dahil may mga taong nanlalamang sa KAPWA Pilipino at may taong hinahayaang manlamang sa KAPWA Pilipino? Kapwa Ko, Mahal Ko.

Sa bookstore, kapag kulang ang panukli ng kahera, minsan ang sasabihin ni customer ay “Keep the change.” Ang ‘itinagong palit’ bang ibinigay kay kahera ay napupunta sa kinikita ng bookstore? Hmmmn.

Speaking of bookstore, nagugutom ako. Minsan ay kumain ako sa Jollibee (in fairness, eh kasi sa book ni Bob Ong eh ilang beses binanggit yung Mc Donald’s at yung ballpen nila). Ayun, ang sarap ng kinain ko. Pagkatapos nun ay pumasok ako ng maaga sa trabaho (hindi ko na babanggitin kasi baka tanggalin ako bigla) at habang wala pa akong ginagawa ay nagtungo ako sa Pinoy Exchange Forums. Basa. Nabaliw ako sa isang thread. Nagsimula ang lahat sa pagtatanong ng ama ng isang PExer sa sales lady ng SM.

Dad: Miss, pwede bang paki-check ang perimeter ng table?

Saleslady: Sandali lang po. Lito (kasamahan niya), paki-check nga yung parameter ng mesa!

Salesman: Parameter?

Saleslady: Yung parameter? Di mo ba alam ang ibig sabihin ng parameter?

Dad: Miss, pakisukat na lang yung haba at lapad ng mesa.

Akala nyo ba tapos na diyan ang kwento? Mali! Hindi ko alam kung matatawa ako o matatae. Humaba pa ng humaba ang argumento dahi kung sinu-sino pa ang humirit:

“Kung tutuusin, mali rin naman ang tanong ninyo eh. Ang perimeter kasi ay ginagamit lang sa pagsukat ng lupa. Kaya nga per meter.

“Mali nga rin naman ang pagkakasabi ng dad mo. Dapat ang hiningi niya ay dimensions ng table. Ang dimension, kung tungkol sa table ang pinag-uusapan, ay ang length at width.”

Siyempre, reply naman ang anak ni dad.

“For your info, area is used to measure land. That’s why the size of a lot is in terms of square-meter. Ano ba ang sinasabi mong per meter? Baka tawanan ka ng real-estate agent kapag nagtanong ka kung magkano kada metro ang lupang nais mong bilhin. Hindi naman tela ang binibili mo.”

Ang galing nga mga Pinoy di ba? Sabi nga ng Brownman Revival: “Maliit na butas, lumalaki! Konteng gusot, guma-grabe!” Bakit nga ba hindi tayo umuunlad? Dahil ba ang pagkakaintindi natin sa perimeter ay parameter? Dahil ba per meter tayo kung bumili ng lupa? Dahil ba magaling tayong pumuna sa kamalian ng iba? O dahil may isang manunulat na tulad ko na nakaupo lamang ngayon sa harap ng PC para magsulat ng ganito?

Pag-uwi ko ng bahay galing sa trabaho. Binuksan ko ang TV. Syempre sa Kapamilya Network agad. Ipinakita ang tungkol sa pag-akyat ng isang pangkat ng mga Pinoy na susubukang akyatin ang Mt. Everest. Wow. May gold ba dun? Aksidente kong napindot ang katabi ng red button (para sa ABS-CBN 2) na green button. Syempre, alam nyo na kung saan ito nailipat. Ipinapakita ang pag-akyat naman ni Garduce kasama ang ilang alien paakyat din sa Mt. Everest.

Whada!!! Pati ba naman sa tuktok ng Mt. Everest ay dala-dala nating mga Pinoy ang Network War? Aba aba aba. Sana ay magkaroon ng expedition papuntang araw. At kung sino sa kanilang dalawa ang unang maka-landing (as if naman solid mass ang araw) dun ang siyang pinaka-BEST at #.00001 (mas close to zero yan kaya higher than 1) TV Station sa Pilipinas.

Totoo nga kayang Network War ang dahilan kung bakit nagkaroon ng magkahiwalay na coverage ang dalawang gigantic stations na yan? O sadyang marumi lang ang utak ko kagaya mo?

Maraming Pinoy ang nagsasabing hindi maganda ang pakikipag-tsismisan. May mga nagsasabi pa na hindi raw siya tsismoso o tsismosa. Try mong umutot. Maya-maya, yung mga nagsasabing hindi sila tsismoso o tsismosa, nagbubulung-bulungan na habang nakatingin sa iyo. Malay mo naman pinag-uusapan lang nila kung ano ang kinain mo kanina di ba?

Ang mga magulang, laging sinasabihan ang mga anak: kumain ka ng gulay para lumakas ang iyong katawan, uminom ka ng gatas bago ka matulog, masamang magmura, ang paninigarilyo ay hindi nakabubuti sa iyong kalusugan, at kung anu-ano pa. Pansinin mo – pagkain ng papaitang kambing at sobrang obssession sa taba ng baboy, pag-inom ng alak, pagmumura, paninigarilyo. Hindi mo ba nakita yan sa magulang mo? Kung oo ang sagot mo, ituloy mo ang pagbabasa. Kung hindi naman, ang bait naman ng parents mo. Sana kunin na sila ni Lord… mula sa kahirapan. Para maging lalo pang maging masagana at masaya ang inyong pamumuhay, di ba?

Sa ibang bansa, *pasintabi sa mga kumakain (tama ba naman kasing kumain at magbasa at the same time?)* pagkatapos maligo ay nililinis nila ang kanilang ilong para wala na itong K paglabas nila ng bahay. Sa Pilipinas, you can do it everywhere you like! As in may procedures pa kung paano ito gagawin – mula pagsundot, pagbilog, at pagpitik. Sana ay isabatas na iyan para hindi sundin.

Sa ibang bansa, iba ang kanilang kultura. Hindi sila Pinoy. Tayo’y mga Pinoy. Tayo’y hindi Kano. Wag kang mahihiya, kung ang ilong mo ay retokada. Seryoso. Eh kung may pera ka naman to do it, why not!?

Pero, uulitin ko ang tanong, bakit nga ba hindi umuunlad ang Pinoy? Dahil ba BOB O. ang Pinoy? Dahil ba pulitika ang lagi nating iniisip? Dahil ba network war ang lagi nating iniisip? Dahil ba away ang lagi nating iniisip? Dahil ba laging kumpetisyon sa kapwa Pinoy ang lagi nating iniisip? Well, tulad nga ng sinabi ng isang exec ng isang top TV network (wag nang banggitin kung saan kasi baka isipin ninyo Kapamilya talaga ako – hehe), “Competition is good as long as we keep it healthy.” Nak ng tokwa! Sana nga ganun eh!

Kapag sumama at nagpabayad ang isang Pinoy upang sumali sa malawakang rally sa EDSA, BOB O. ba siya?

Kapag hinayaan ba ng isang Pinoy na tratuhin siya bilang katulong ng isang dayuhan sa loob mismo ng sariling bayan dahil sa kulay ng balat at estado sa buhay, BOB O. ba siya?

Kapag nagsisipilyo ba ang isang Pinoy nang nakabukas ang gripo at magreklamo sa taas ng binabayarang singil sa tubig, BOB O. ba siya?

Kapag nanood ba maghapon ang isang Pinoy at magreklamo sa gobyerno dahil wala siyang trabaho, BOB O. ba siya?

Kapag na-rape ba siya dahil mahilig siya sa nightlife at kung magsuot ng pang-ilalim ay super duper micro nano mini short shorts to the maximum, BOB O. ba siya?

Kapag nagkaroon siya ng credit card at bumili ng kung aning-aning na kaartehan sa buhay sabay biglang pag-iwas sa tawag sa kanyang cellphone at landline number dahil sa tumatawag na credit card agent, BOB O. ba siya?

Ang mga kasagutan sa pagbabalik ng… The Buzz!

Walang taong bobo. Wala nga ba? Kasi ang alam ko, lahat ng tao ay binigyan ng kakayahang mag-isip at pumili ng gusto niyang mangyari sa kanyang buhay. Kahit wala kang pinag-aralan, hindi ka bobo. Kahit hindi ka kumakain ng tatlong beses sa isang araw, hindi ka bobo. Magiging bobo ka lang kung talagang bobo ka. Malabo ba? Bobo kasi ako. Minsan.

Kung alam mong mali ang ginagawa mo pero ginagawa mo pa rin ito ng paulit-ulit (na binabalanse mo lang sa pamamagitan ng pangungumpisal sa simbahan once in a blue moon), hindi ka BOB O. TANG A. ka. Wag ka na sanang magpakasal para di ka na dumami. Naku, kahit pala di ka ikasal, pwede ka pa ring dumami. Basta, huwag ka na sanang magkalat ng lahi mo.

Ano ba sa palagay mo kung ano ka? Sino ang dapat na maging ikaw? Ano nga ba ang Pinoy? Bob Ong – Pinoy o Tang Ang – Pinoy? Vote now! Sige, hala, text na. Ubusin mo ang load mo sa pagboto sa halip na ipunin mo yan pambili ng makakain mo. Di mo naman maipantetext yung pagkain di ba? Sana nga pagkain na lang bilhin mo, hindi yosi. Okay na sa akin ang maging BOB O. Wag lang maging TANG A.

This is Xy, breaking the silence.

***

Elyong Busyok illustration is broken from here.

Originally posted on 09 June 2009.

Advertisements

18 thoughts on “[Repost] Bob Ong o Tang Ang: Alin ang Pinoy?

  1. astig sir keep it up hehehe

    pati 2 million pesos (tama ba?) na kinikita ng jeepney driver nabilang nyo?

    hehe makes sense

    galing! basta agree ako sa inyo hehehe

    more power sa site.. cge!

  2. tots, salamat sa iyo… oo, wala kasi akong magawa nun. eh alam mo naman ako. mahilig akong mag-compute ng kung anu-ano lang. hehehe… salamat ulit, bisita ka ulit, 🙂

  3. Grabe!

    As in GRABE talaga sa haba ng tinalakay moh. (Hehe)

    Pero worth reading.

    Binasa koh ng buong-buo eh. (Hehe)

    And it’s very interesting. (Uy, flattered sya hahaha)

    Pede ang sagot sa tanong mo ABSTAIN. (Hahaha)

    Kasi BOB O. at TANG A. ang mga Pinoy in the sense na;

    BOB O., kasi marami pa sa mga Pinoy ang di pa alam o hindi pa mulat sa kung anu ba talaga ang makakabuti para sa lahat.

    TANG A., kasi kahit alam natin kung ano ang makaka-buti sa lahat walang ginagawa ang mga Pinoy o natatakot ang mga Pinoy lumaba o kaya naman eh nakikinabang sila sa kung anumang kahayupan ang nagaganap.

    More Power to your blog.

    PS: “Kung ayaw moh ng sagot ko, e’di ‘wag (hahaha). Opinyon koh lng yan (hehe). And ang ganda ng blog mo Kuya XY.”

  4. zieck, salamat sa pagiging pasensyoso sa pagbabasa… worth it ba? heheheh… naks, nag-abstain pa… heheheheh… balik ka lagi… 🙂

  5. hai.. natuwa aku sa galing heheh teka parang kilala kuh yung ace? ace amper ba? as in arcelita amper? heheh more powers..

  6. ayus ahh
    kala ko knina tinatanung mu kung sino ang tutoong lahing pinoy
    kung si bob ong o si tang a..hehe npabsa tuloi ako

    peu my tnung lang ako.

    kyle ba firstname mu??
    as in kyleXY???

    hehe la lng

  7. Pingback: Bob Ong o Tang Ang: Alin ang Pinoy? « artisantimeline

  8. Gustong gusto ko ang taong may utak kahit makulit ang takbo nento ,Para saken ang taong BOB O yun ayaw sumunod para matoto,YUN Tang a yun yun nakasunod kay BOB O.maraming salamat marami Kung natutunan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s